சாவகச்சேரி இந்துக்கல்லூரி விஜயம் மேற்க்கொண்ட சீன தூதுக்குழுவினர்

யாழ்ப்பாணத்திற்கு இன்று (29) விஜயம் மேற்க்கொண்டுள்ள சீன பதில் தூதுவர் ஹூ வோய் குழுவினர்
யா/ சாவகச்சேரி இந்துக் கல்லூரிக்கு விஜயம் மேற்க்கொண்டனர்.

இன்று காலையில் பாடசாலைக்கு வருகை தந்த சீன பதில் தூதுவர் தலைமையிலான குழுவினர் “பாண்ட் வாத்திய” இசையோடு வரவேற்கப்பட்டனர்.

அதனைத் தொடர்ந்து பாடசாலை மாணவர்களின் வரவேற்பு நடனம் இடம்பெற்றது. அத்துடன், 40 இலட்சம் ரூபா பெறுமதியான மாணவர்களுக்கான கற்றல் உபகரணங்கள் மற்றும் சிமாட் வகுப்பறைக்கான உபகரணங்கள் ஆகியவை சீன பதில் தூதுவரால் பாடசாலைச் சமுகத்திடம் கையளிக்கப்பட்டது.

இந்த நிகழ்வில் சீன தூதர அதிகாரிகள், தென்மராட்சி வலயக்கல்விப் பணிப்பாளர் சு.கிருபாகரன், ஆசிரியர்கள் மற்றும் மாணவர்கள் எனப்பலரும் கலந்து கொண்டிருந்தனர்.