யாழ் – பருத்தித்துறை வீதி சிறுப்பிட்டியில் இன்று மாலை இடம்பெற்ற வீதி விபத்தில் சட்டத்தரணியும் ஈழ மக்கள் ஐனநாயக கட்சி ( ஈ.பி.டி.பி) யின் யாழ்.மாநகரசபை உறுப்பினருமான முடியப்பு றெமீடியஸ் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.
வீதியின் குறுக்கே திடீரென வந்த நாய் ஒன்றுடன் மோதி விபத்து சம்பவித்துள்ளது. விபத்து இடம்பெற்ற சமயம் தலைக் கவசம் கழன்றமையினால் மு.றெமீடியஸ் பலத்த காயத்திற்கு இலக்காகியுள்ளார்.
யாழ்ப்பாணம் போதனா வைத்தியசாலையில் அனுமதிக்கப்பட்டுள்ள றெமீடியஸ், அவசர சிகிச்சைப் பிரிவில் சத்திர சிகிச்சைக்கு உட்படுத்தப்பட்டுள்ளார்.
